ஞாயிறு, டிசம்பர் 11, 2011

தந்தூரி சிக்கன்

வீட்டிலேயே தந்தூரி சிக்கன் செய்ய ஈசியான ரெசிபி இது. ரொம்ப நாளா குட்டிஸுக்கு தந்தூரி சிக்கன், இல்லனா கபாப் செய்து கொடுக்கனும்னு நினைச்சுட்டே இருந்தேன். நான்ஸ்டிக் தவாவில் பனீர் கபாப் செய்வேன். ஆனால் சிக்கன் அப்படி செய்ய முடியாதே. தந்தூரி சிக்கன் ரொம்ப ஈசிதான். டேஸ்ட் நல்லா இருந்ததுன்னு பப்பு சொன்னா :) (பப்புவே சொன்னான்னு இருக்கனும்:)) )

தேவையான பொருட்கள்:

சிக்கன் பீஸ் - 8
மிளகாய்தூள் - 2 ஸ்பூன்
லெமன் ஜூஸ் - 2 ஸ்பூன்
எண்ணெய் - ஒரு ஸ்பூன்
கெட்டிதயிர் - அரைக்கப்
இஞ்சிபூண்டு விழுது - ஒரு ஸ்பூன்
மஞ்சள்தூள் - ஒரு சிட்டிகை
கொத்தமல்லிதூள் - ஒரு ஸ்பூன்
உப்பு தேவையான அளவு


பொடிக்க
சீரகம் - ஒரு ஸ்பூன்
மிளகு - ஒரு ஸ்பூன்
காய்ந்த வெந்தய இலை (கஸூரி மேத்தி) ஒரு ஸ்பூன்


இவற்றை வெறும் வாணலியில் வறுத்து மிக்ஸியில் பொடிக்கவும்
செய்முறை


சிக்கனை கழுவி சுத்தம் செய்து, ஒரு சில இடங்களில் கத்தியில் கீறி  வைக்கவும்

ஒரு ஸ்பூன் மிள்காய் பொடி, உப்பு, ஒரு ஸ்பூன் லெமன் ஜூஸ் விட்டு பேஸ்ட் போல செய்து சிக்கனில் கீறல் போட்ட இடங்களில் தடவி வைக்கவும்


 

ஒரு பெரிய பாத்திரத்தில் தயிர், மி.தூள், உப்பு, இஞ்சிபூண்டு விழுது, கொ,மல்லிதூள், ம.தூள், பொடித்த சீரக,மிளகு, வெந்தய இலைதூள் போட்டு நன்கு கலந்து வைக்கவும்


 


மிளகாய்தூளில் ஊறிய சிக்கனை பத்து நிமிடங்கள் கழித்து எடுத்து இந்த தயிர் பேஸ்டில் சிக்கனை போட்டு நன்கு கலந்து கடைசியாக ஒரு ஸ்பூன் எண்ணெய் விட்டு கலந்து  குறைந்தது அரைமணி நேரம் ஊற வைக்கவும்

.
 


அவனில் ட்ரேயில் ஒரு கேரட்டை துண்டு போட்டு அடுக்கி அதன் மேல் சிக்கனை அடுக்கவும்






200 டிகிரியில் 20 நிமிடங்கள் ஹையில் வைக்கவும்.

திரும்ப எடுத்து க்ரில்லில் வைத்து மேலும் 20 நிமிடங்கள் அதே அளவில் வைக்கவும். இப்போது சிக்கன் வெந்திருக்கும்,




எனினும் மறுபடியும் சிக்கனை திருப்பி போட்டு கொஞ்சம் லெமன் ஜூஸை எல்லா சிக்கனிலும் படுமாறு தடவி மீண்டும் 20 நிமிடங்கள் வைக்கவுன்., இவ்வாறு செய்வதால் மசாலா எல்லா இடங்களிலும் சீராக பிடிக்கும், சிக்கனும் சந்தேகமில்லாமல் வெந்திருக்கும். கொஞ்சம் மொறுமொறுப்பும் வாசனையும அதிகரிக்கும்.


 

குறிப்பு

இதற்கு சிக்கன் லெக் பீஸ் நன்றாக இருக்கும்,. ஆனால் இன்னைக்கு அது கிடைக்காததால் இதில் ட்ரை பண்ணினேன்.

தயிர் கெட்டியாக இல்லாவிட்டால் மொறுமொறுப்பு வராது.  மசாலாவும் சிக்கனில் நன்கு சேராது

தேவைப்படுபவர்கள் ஆரஞ்சு கலர் பொடி போட்டுக்கொள்ளவும். முடிந்த வரை அதை தவிர்க்கலாம்

கேரட் வெட்டி வைப்பதால் சிக்கனில் இருந்து வரும் அதிகபட்ச தண்ணீரை கேரட் இழுத்துக்கொள்ளும். அதனால் சீக்கிரம் ட்ரை சிக்கன் வேகும்.


 ஹேப்பி குக்கிங் :)






4 கருத்துகள்:

துளசி கோபால் சொன்னது…

பப்புவே சொன்னா அப்பீலே இல்லை:-))))))

கஸ்தூரி மேத்தி??????

கஸூரி மேத்தி அது:-)

வீட்டுலே சொந்த கஸூரி மேத்தி ரெடி பண்ணிக்கிட்டு இருக்கேன். ஒரு ஸெட் ஆச்சு. இப்போ ரெண்டாவது:-))))))

dsfs சொன்னது…

Super. very enjoying and interesting posts

Vidhya Chandrasekaran சொன்னது…

slurppp

சாந்தி மாரியப்பன் சொன்னது…

ஜூப்பர் குறிப்பு..

கருத்துரையிடுக

நான் டெஸ்டும் டேஸ்டும் பண்ணியாச்சு, நீங்க ?