ஞாயிறு, மே 19, 2013

கம்பு கொழுக்கட்டை




என்னென்ன தேவை:

கம்பரிசி : ஒரு கப்
மிக பொடியாக நறுக்கிய வெங்காயம் : ஒரு கப்
பொடியாக நறுக்கிய பச்சைமிள்காய் : 5
பொடியாக நறுக்கிய மிளகாய் வற்றல் : 5
கறிவேப்பிலை, கொத்தமல்லி தழை சிறிது
தேங்காய் துருவியது: 2 பெரிய ஸ்பூன் (விரும்பினால்)
உப்பு : தேவைக்கேற்ப

தாளிக்க :

எண்ணெய் : 2 பெரிய ஸ்பூன்
கடுகு: அரை ஸ்பூன்
உளுத்தம் பருப்பு: ஒரு ஸ்பூன்
கடலைபருப்பு: ஒரு ஸ்பூன்


எப்படி செய்வது
கம்பரிசியை 3 மணி நேரம் ஊறவைக்கவும்
மிக்ஸியில் கரகரப்பாக அரைக்கவும்
அடிகனமான வாணலில் எண்ணெய் காயவைத்து கடுகு, உ.பருப்பு, கடலைபருப்பு, தாளித்து வெங்காயம், மிளகாய் வகைகள், கறிவேப்பிலை சேர்த்து லேசான பொன்னிறத்திற்கு வதக்கவும், உப்பு சேர்க்கவும்
அரைத்த மாவை கொட்டி தணலை குறைத்து கிளறவும். மாவு கெட்டி பட்டதும் அத்துடன் தேங்காய் துருவல் சேர்க்கவும்.
ஆறியது கொழுக்கட்டைகளாக உருட்டி ஆவியில் வேக வைக்கவும்

எள்ளு இட்லிபொடி, கார சட்னியுடன் பரிமாறவும்

குறிப்பு

தேங்காய் துருவல் விரும்பினால் மட்டும் சேர்க்கலாம், அரைத்த உடனே செய்யலாம்


சனி, மே 11, 2013

கம்பு பருப்பு சாதம்





என்னென்ன தேவை

கம்பரிசி : ஒரு கப்
துவரம்பருப்பு: கால் கப்
பாசி பயிறு : கால் கப்
தண்ணீர் : 3 கப்
மஞ்சள் தூள் : கால் ஸ்பூன்
மிளகாய்தூள் : அரை ஸ்பூன்
நீளமாக நறுக்கிய வெங்காயம் : கால் கப்
நறுக்கிய தக்காளி : அரைகப்
உப்பு தேவைக்கேற்ப
கறிவேப்பிலை கொத்தமல்லி தழை சிறிது

தாளிக்க

எண்ணெய் : 2 ஸ்பூன்
கடுகு : அரை ஸ்பூன்

பொடிக்க:

மிளகு : அரை ஸ்பூன்
சீரகம் : அரை ஸ்பூன்
மிளகாய் வற்றல் : 2
பூண்டு: 4

எப்படி செய்வது
கம்பரிசியும், பருப்பு வகைகளையும் கழுவி அரை மணி நேரம் ஊற வைக்கவும்
மிளகு, சீரகம் மிளகாய் வற்றலை மிக்ஸியில் பொடித்து கடைசியில் பூண்டு சேர்த்து ஒரு சுற்று விட்டு எடுக்கவும்
குக்கரில் எண்ணெய் காய வைத்து கடுகு கறிவேப்பிலை தாளித்து வெங்காயம் சேர்க்கவும்
வதங்கியதும் தக்காளி, ம.தூள், மி தூள் அரைத்த பொடி சேர்த்து வதக்கவும்
தண்ணீரும் உப்பும் சேர்த்து கொதிக்க விடவும். கொதித்ததும் அரிசிபருப்பையும்  கொத்தமல்லி தழையும் சேர்த்து 5விசில் வேகவிடவும். தேங்காய் துவையல், தயிர், ஊறுகாயுடன் பரிமாறவும்.

குறிப்பு

கம்பரிசி சிறிது குழைய வேக வைப்பது சுவை கூட்டும், பருப்பு வகைகளுடன் தட்டபயிறும் சேர்த்துக்கொள்ளலாம்
மிளகாய் தூள்,மிளகாய் வற்றல், மிளகு போன்றவை சேர்ப்பதால் காரம் எவ்வளவு தேவையோ அதற்கேற்ப பிரித்துகொள்ளவும்